Молитвы, читаемые во время эпидемии

В нынешнее непростое время, когда по всему миру распространяется коронавирусная инфекция, Святейший Патриарх Московский и всея Руси Кирилл призывает всех архиереев, клириков, монашествующих и мирян Русской Православной Церкви к усиленной молитве. Однако, для наших предков эпидемии были достаточно регулярной и по-настоящему страшной напастью, что постепенно привело к развитию как эпидемиологической науки, так и карантинных мер, многие из которых, пусть и в несколько изменившейся форме, остаются актуальными по сей день.

При возникновении определённых сложностей, представляющих угрозу духовному и телесному здоровью людей, Церковь вырабатывает определённые молитвенные прошения ко Господу, Пресвятой Богородице и святым угодником. Такие прошения и молитвы существуют на случай возникновения губительного поветрия. С самых первых недель распространения COVID-19 во всех храмах Русской Церкви во время Литургии начали возноситься сугубые (особые) прошения об избавления от поветрия (эпидемии).

Молитва ко Господу, возносимая по благословению Патриарха Московского и вся Руси Кирилла, во время Божественной Литургии

Го́споди Бо́же наш, не вни́ди в суд с рабы́ Твои́ми, и огра­ди́ нас от губи́тельнаго пове́трия на ны дви́жимаго. Поща­ди́ нас смире́нных и недосто́йных рабо́в Твои́х в покая́нии с те́плою ве́рою и сокруше́нием серде́чным к Тебе́ милосе́рдному и благопремени́тельному Бо́гу на́шему припа́дающих и на ми́лость Твою́ упова́ющих. Твое́ бо есть, е́же ми́ловати и спаса́ти ны, Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

Помимо данной молитвы за каждой службой теперь читаются дополнительные прошения, которые включены в текст так называемой сугубой ектении. Ектения – это особая часть Богослужения, представляющая список молитвенных прошений, с которыми духовенство и прихожане обращаются ко Господу. Традиционно список этих прошений не меняется, но в особых случаях (например, при общественных бедствиях) он дополняется особыми прошениями. Так делается и сейчас, в условиях эпидемии короновируса. Молитвенные прошения на сугубой ектении во время Божественной Литургии дополнены следующим текстом:

Еще́ мо́лимся Тебе́, Го́споду Бо́гу на́шему, о е́же ми́лостивно пощади́ти нас от губи́тельнаго пове́трия на ны дви́жимаго и изба́вити ве́рныя лю́ди Твоя́ от сме́рти душе́вныя и теле́сныя, неду́гующим исцеле́ние и здра́вие пода́ти, нам же всем Твое́ Боже́ственное огражде́ние и заступле́ние, мо́лим Тя, милосе́рде Го́споди, ско́ро услы́ши и ми́лостивно поми́луй.

Еще́ мо́лимся, о е́же умири́ти смяте́ние челове́к и страхова́ния вся́ческая, упова́нием тве́рдым огради́ти ве́рных Свои́х, мир же и тишину́ всели́ти в сердца́ на́ша, мо́лим Ти ся, Го́споди, услы́ши и поми́луй.

Чтение домашней молитвы особенно приветствуется сейчас, когда посещение храма в условиях карантина становится затруднительным, а порой и просто невозможным. В такой ситуации церковное священноначалие призвало по-возможности оставаться дома, но продолжать молиться.

Помимо молитв в условиях бедствий и невзгод православные христиане также часто читают Псалом 90, известный также по первой строчке как «Живый в помощи…». Это один из самых известных псалмов в Христианской Церкви, и не случайно, поскольку в нём содержится пророчество, вселяющее надежду всем, кто верит в Бога. Автором этого псалма, как и основной части Псалтыри, является ветхозаветный еврейский царь и пророк Давид, живший в XI-X веках до Рождества Христова. Текст был написан им в качестве благодарности и хвалы Богу после чудесного избавления израильского народа от эпидемии моровой язвы.

Псалом 90 уже много веков читается христианами в опасных ситуациях. Причём, не только во время бесовских наваждений, но и при нападении врагов, опасных животных, а также, чтобы защититься от злословия и клеветы. Христианским воинам разных исторических эпох в одежду вшивали текст этого псалма, написанный на бумаге или ткани. Но, разумеется, использовать текст псалма только в качестве защитного амулета недостаточно. Нужно обращаться к Богу словами царя Давида и надеяться на Его милость и помощь.

Псалом построен в форме обращения наставника, который в своей речи, направленной к ученику или к сыну, выражает уверенность в полной безопасности человека, который надеется на Бога и находится в общении с Ним. Вот что об этом псалме говорил святой преподобный Афанасий Великий: «Тайноводствуемых Христом и побеждающих Им врагов мысленных, т.е. начала и власти, миродержителей тьмы сей, духов злобы и самого ненавистного сатану. И враги эти в настоящем псалме именуются различно: страхом нощным, стрелою летящею во дни, вещию во тме преходящею, срящим и бесом полуденным, тысящами и тмами, аспидом и василиском, львом и змием. И над всеми этими врагами псалом возвещает человеку Божию победу».

Псалом 90

Живы́й в по́мощи Вы́шняго, в кро́ве Бо́га Небе́снаго водвори́тся. Рече́т Го́сподеви: Засту́пник мой еси́ и Прибе́жище мое́, Бог мой, и упова́ю на Него́. Я́ко Той изба́вит тя от се́ти ло́вчи, и от словесе́ мяте́жна, плещма́ Свои́ма осени́т тя, и под криле́ Его́ наде́ешися: ору́жием обы́дет тя и́стина Его́. Не убои́шися от стра́ха нощна́го, от стрелы́ летя́щия во дни, от ве́щи во тме преходя́шия, от сря́ща, и бе́са полу́деннаго. Паде́т от страны́ Твоея́ ты́сяща, и тма одесну́ю Тебе́, к Тебе́ же не прибли́жится, оба́че очи́ма Твои́ма смо́триши, и воздая́ние гре́шников у́зриши. Я́ко Ты, Го́споди, упова́ние мое́, Вы́шняго положи́л еси́ прибе́жище Твое́. Не прии́дет к Тебе́ зло, и ра́на не прибли́жится телеси́ Твоему́, я́ко А́нгелом Свои́м запове́сть о Тебе́, сохрани́ти тя во всех путе́х твои́х. На рука́х во́змут тя, да не когда́ преткне́ши о ка́мень но́гу твою́, на а́спида и васили́ска насту́пиши, и попере́ши льва и зми́я. Я́ко на Мя упова́, и изба́влю и́: покры́ю и́, я́ко позна́ и́мя Мое́. Воззове́т ко Мне, и услы́шу его́: с ним есмь в ско́рби, изму́ его́, и просла́влю его́, долгото́ю дний испо́лню его́, и явлю́ ему́ спасе́ние Мое́.

Существуют и другие молитвословия, составленные в разное время, в т.ч. уже в XXI веке и на современном русском языке. В нынешнее непростое время особый подвиг совершают медицинские работники, которые являют своим примером образец самоотверженной любви к ближним. К сожалению, ситуация в период пандемии такова, что врачам требуется наша помощь, в том числе и молитвенная.

Прошение и молитва о врачах

При́зри Влады́ко Человеколю́бче на же́ртвенный по́двиг враче́й на́ших, посли́ им здра́вие непоколеби́мое, си́лу и кре́пость ду́ха, му́дрость к соверше́нию трудо́в во бла́го наро́да на́шего и сотвори́ чрез них исцеле́ние стра́ждущим рабо́м Твои́м, приле́жно мо́лим Ти ся ско́ро услы́ши и поми́луй.

Создателю и Господи! Великий Врачу! Ты врачевал людей и избавлял их от смерти. Благослови же врачей, всех, кто борется за спасение жизни и здоровье людей! Дай им мудрость Твою, силу и благоразумие! Сохрани их от ошибок, дай им внимательность и упование на помощь Твою! Благослови их благородный труд! Господи, дай им почувствовать нужду в Твоем духовном врачевании их недугов, «ибо не здоровые имеют нужду во враче, но больные». Ты пришел призвать «не праведников, а грешников к покаянию». Научи их молиться Тебе перед тем, как начинать лечение своих пациентов! Помоги им понимать, что как бы не были успешны методы и средства врачевания, если Ты не благословишь, то все будет напрасно. Благослови же их старания по Твоей святой воле! Да прославят и они, и те, кому было даровано исцеление, Тебя — Отца, и Сына, и Духа Святого! Аминь.

Прошения и молитва, читаемые во время эпидемии,
составленные митрополитом Киевским и всея Украины Онуфрием.

Бо́же Вели́кий и Вы́шний, Благоутро́бный и Человеколюби́вый Влады́ко, услы́ши нас недосто́йных рабо́в Твои́х, во мно́жестве ми́лости Тво­ея́ и низ­посли́ нам по́мощь Твою́ во вре́мя наше́ствия боле́зни губи́тельныя на род челове́ческий, Твое́ю Кро́вию иску́пленный.
Ве́мы Го́споди, яко согреши́хом пред Лице́м Твои́м и грехо́м на́шим несть чис­ла́. Но умилосе́рдися и отвра­ти́ от нас гнев Твой пра́ведный на ны дви́жимый. Не прогне́вайся на ны зело́, Ты бо рекл еси́, яко ра́дость быва́ет на небе­си́ о еди́ном гре́шнице ка́ющемся. При­и­ми́ ны́не и на́ше покая́ние, сле́зы и смире́нныя моли́твы возноси́мыя из глу­би­ны́ серде́ц на́ших пред святы́м олтаре́м Твои́м.
О́тче щедро́т, Бо́же вся́кого утеше́ния, укре­пи́ ны моли́твами Преблагослове́нныя Влады́чицы на́шея Богоро́дицы, си́лою Честна́го и Животворя́щего Кре­ста́, свята́го великому́ченика и цели́теля Пантелеи́мона, свя­ти­те­ля Луки, испо­вед­ни­ка Кры́мскаго, святы́х враче́й и цели́телей на́ших: Агапи́та, Дамиа́на, Ипа́тия Пече́рских и Все́х святы́х зем­ли́ на́шея и пре­кра­ти́ боле́зненное пове́трие и отже­ни́ от нас вся́кую боле́знь и не́мощь, да изба́вльшеся от вся́кия напа́сти Руко́ю Твое́ю кре́пкою, порабо́таем Ти со вся́ким благодаре́нием. Да я́ко и ны́не причаща́ющеся Тво­е­го́ неизглаго́ланнаго Человеколю́бия, пое́м и сла́вим Тя, Творя́щаго вели́кая и чу́дная, сла́вная же и изря́дная. Я́ко Ты еси́ Исто́чник исцеле́ний, Бо́же наш, и Тебе́ сла́ву возсыла́ем, Отцу́ и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.

Молитва, читаемая во время эпидемии,
из циркулярного письма митрополита Минского и Заславского Павла

Влады́ко, Го́споди Бо́же наш, при́зри ми́лостивно с высо­ты́ святы́я сла́вы Тво­ея́ на моли́тву нас, гре́шных и недосто́йных рабо́в Твои́х, бесчи́сленными греха́ми и беззако́ниями на́шими Твою́ бла́гость прогне́вавших, и милосе́рдие Твое́ удали́вших. Не вни́ди в суд с раба́ми Твои́ми, но отвра­ти́ стра́шный гнев Твой, пра́ведно на нас дви́жимый, укро­ти́ губи́тельное наказа́ние, уда­ли́ стра́шный меч Твой, неви́димо нас поража́ющий. Поща­ди́ нас, гре́шных и недосто́йных рабо́в Твои́х, и не обрека́й на смерть ду́ши на́ша, и́бо мы зна́ем своя́ прегреше́ния и с сокруше́нным се́рдцем, и со слеза́ми к Тебе́, Милосе́рдному Бо́гу на́шему в покая́нии припа́даем и проще́ние согреше́ниям на́шим пода́ти про́сим.
Влады́ко, Вседержи́телю, Вра­чу́ душ и теле́с на́ших, смиря́яй и вознося́й, наказу́яй и па́ки3 исцеля́яй, про­стри́ мы́шцу Твою́ испо́лнену ми́лости и милосе́рдия, и исце­ли́ боля́щих, запре­ти́ дух́у не́мощи, отже­ни́ вся́кую боле́знь на нас дви́жимую, про­сти́ нам вся́кое согреше́ние, во́льное же и нево́льное, и спа­си́ ду́ши на́ша, я́ко Благ и Человеколю́бец. Ами́нь.

Молитва, читаемая во время эпидемии,
составленная Патриархом Румынским Даниилом

Го́споди Бо́же наш, ще́дрый ми́лостию, с попечи́тельной му́дростью управля́ющий на́шу жи́знь, услы́ши моли́тву на́шу, при­и­ми́ на́ше покая́ние во греха́х и поло­жи́ сему́ пове́трию преде́л. Ты, Вра­чу́ душ и теле́с, да́руй здра́вие тем, кого́ пости́г неду́г, восста́ви их вско́ре от одра́ страда́ния, да возмо́гут сла́вить Тебя́, о ми́лостивый Спа́се. Сохра­ни́ от вся́кой боле́зни тех, кто пребыва́ет в до́бром здра́вии. Сохра­ни́ и нас сами́х, Твои́х недосто́йных служи́телей, а та́кже на́ших роди́телей и на́ших бли́зких.
Бла­го­сло­ви́, укре­пи́ и сохра­ни́, Го́споди, Твое́ю благода́тию всех, кто с любо́вью к лю́дям и в ду́хе же́ртвования собо́й слу́жит больны́м в их дома́х и́ли в лече́бницах. Уда­ли́ вся́кую боле́знь и страда́ние от Тво­е­го́ наро́да и научи́ нас цени́ть жи́знь и здра́вие как дары́, ниспо́сланные Тобо́ю. Да́руй нам, Го́споди, мир Твой и испо́лни серд­ца́ на́ши несокруши́мой ве́рой в Твою́ защи́ту, упова́ния на Твою́ по́мощь, люб­ви́ к Тебе́ и к на́шему бли́жнему. Твое́ бо есть, е́же ми́ловати и спаса́ти нас, и Тебе́ сла́ву возсыла́ем со Безнача́льным Твои́м Отце́м и со Пресвяты́м и Благи́м и Животворя́щим Твои́м Ду́хом, ны́не и при́сно и во ве́ки веко́в. Ами́нь.

Молитва ко Господу

Го́споди Бо́же на́ш! Услы́ши с высо­ты́ свята́го Тво­е­го́ Престо́ла на́с, гре́шных и недосто́йных рабо́в Твои́х, бла́гость Твою́ греха́ми свои́ми прогне́вавших и милосе́рдие Твое́ удали́вших, и не взыску́й с рабо́в Твои́х, но отвра­ти́ стра́шный гне́в Тво́й, справедли́во на́с пости́гший, пре­кра­ти́ па́губное наказа́ние, уда­ли́ стра́шный ме́ч Тво́й, неви́димо и безвре́менно на́с поража́ющий, и поща­ди́ несча́стных и сла́бых рабо́в Твои́х, и не обрека́й на сме́рть души́ на́ши, в покая́нии прибега́ющих с истомле́нным се́рдцем и со слеза́ми к Тебе́, Бо́гу Милосе́рдому, мольба́м внима́ющему и переме́ну подаю́щему. И́бо Тебе́ принадлежи́т ми́лость и спасе́ние, Бо́же на́ш, и Тебе́ славосло́вие прино́сим, Отцу́ и Сы́ну и Свято́му Ду́ху, ны́не и при́сно и во ве́ки веко́в. Ами́нь.

Молитва ко святителю Николаю Чудотворцу

О, до́брый наш па́стырю и богому́дрый наста́вниче, святи́телю Христо́в Нико́лае! Услы́ши нас гре́шных [име­на], моля́щихся тебе́ и призыва́ющих в по́мощь ско́рое предста́тельство твое́; виждь нас не́мощных, отвсю́ду уловля́емых, вся́каго бла́га лише́нных и умо́м от малоду́шия помраче́нных; потщи́ся, уго́дниче Бо́жий, не оста́вити нас в грехо́внем пле­ну́ бы́ти, да не бу́дем в ра́дость враго́м на́шим и не у́мрем в лука́вых дея́ниих на́ших. Моли́ о нас недосто́йных Соде́теля на́шего и Влады́ку, Ему́же ты со безпло́тными ли́ки предстои́ши: ми́лостива к нам сотво­ри́ Бо́га на́шего в ны́нешнем житии́ и в бу́дущем ве́це, да не возда́ст нам по дело́м на́шим и по нечи­сто­те́ серде́ц на́ших, но по свое́й бла́гости возда́ст нам. На твое́ бо хода́тайство упова́юще, твои́м предста́тельством хва́лимся, твое́ заступле́ние на по́мощь призыва́ем, и ко пресвято́му о́бразу тво­е­му́ припа́дающе, по́мощи про́сим: изба́ви нас, уго́дниче Христо́в, от зол находя́щих на нас, и укро­ти́ во́лны страсте́й и бед возстаю́щих на нас, да ра́ди святы́х твои́х моли́тв не обы́мет нас напасть и не погря́знем в пучи́не грехо́вней и в ти́не страсте́й на́ших. Моли́, святи́телю Христо́в Нико́лае, Хри­ста́ Бо́га на́шего, да пода́ст нам ми́рное житие́ и оставле́ние грехо́в, душа́м же на́шим спасе́ние и ве́лию ми́лость, ны́не и при́сно и во ве́ки веко́в. Ами́нь.

Молитва ко святому Архангелу Рафаилу

О, святы́й Арха́нгеле Рафаи́ле! Всеусе́рдно мо́лим тя́, бу́ди на́м путеводи́тель в жи́зни на́шей, сохра­ни́ от все́х ви́димых и неви́димых вра́г, исце­ли́ душе́вныя и теле́сныя боле́зни на́ша, упра́ви жи́знь на́шу к покая́нию во гресе́х и ко творе́нию до́брых де́л. О, святы́й вели́кий Рафаи́ле Арха́нгеле! Услы́ши на́с, гре́шных рабо́в Бо́жиих [име­на], моля́щихся тебе́, и сподо́би в зде́шней и в бу́дущей жи́зни благодари́ти и сла́вити о́бщаго Созда́теля на́шего в безконе́чныя ве́ки веко́в. Ами́нь.

Молитва священномученику Харалампию, епископу Магнезийскому

О пречу́дный священному́чениче Харала́мпие, страстоте́рпче непреодоле́нный, свяще́нниче Бо́жий, о всем ми́ре ходата́йствуяй! При́зри на моле́ние нас почита́ющих святу́ю па́мять твою́. Испроси́ нам у Го́спода Бо́га проще́ние грехо́в на́ших, да не до конца́ прогне́вается на нас Госпо́дь: согреши́хом бо и недосто́йни яви́хомся милосе́рдия Бо́жия. Моли́ о нас Го́спода Бо́га, да низпосле́т мир на гра́ды и ве́си на́ша, да изба́вит нас от наше́ствия иноплеме́нников, междоусо́бныя бра́ни и вся́ких раздо́ров и нестрое́ний! Утверди́, священному́чениче, ве́ру и благоче́стие во всех ча́дах правосла́вныя христиа́нския це́ркви, и да изба́вит нас Госпо́дь Бог от ересе́й, раско́лов и вся́каго суеве́рия. О милосе́рдный му́чениче! Моли́ся за ны ко Го́споду, да сохрани́т нас от гла́да и вся́ких боле́зней, и да пода́ст нам изоби́лие плодо́в земны́х, ското́в умноже́ние на потре́бу челове́ком и вся нам поле́зная: наипа́че же да сподо́бимся, моли́твами твои́ми, Небе́снаго Ца́рствия Христа́ Бо́га на́шего, Ему́же честь и поклоне́ние подоба́ет, со безнача́льным Его́ Отце́м и Пресвяты́м Ду́хом, ны́не и при́сно, и во ве́ки веко́в. Ами́нь.

Молитва великомученику и целителю Пантелеимону

Святы́й великому́чениче и целе́бниче Пантелеи́моне! Моли́ Бо́га о нас и не допу­сти́ до́лее остава́ться в нас тем боле́зням, ко́ими боли́м душе́ю и те́лом! Исце­ли́ те я́звы и стру́пы ко́и причине́ны нам страстя́ми на́шими. Боли́м мы ле́ностию и расслабле́нием — исце­ли́ ны. Боли́м влече́нием и пристра́стием к земны́м предме́там — исце­ли́ ны. Боли́м, о святы́й Пантелеи́моне! Боли́м забы́вчивостию: о де́ле спасе́ния, о на́ших греха́х и не́мощах, о на́ших обя́занностях — исце­ли́ ны. Боли́м злопомне́нием, гневли́востию, ненави́стничеством — исце­ли́, о целе́бниче Свя́то-Афо́нский и всеми́рный. Боли́м за́вистью, го́рдостью, надме́нностью, превозноше́нием, при всей ску́дости и непотре́бстве — исце­ли́ ны. Боли́м мно́гими и ра́зными припа́дками плотоуго́дия: чревоизли́шеством, невозде́ржностию, многояде́нием, сластолю́бием — исце­ли́ ны. Боли́м сонли́востью, многосло́вием, праздносло́вием, осу́дливостью — исце­ли́ ны, о святы́й Пантелеи́моне! Боля́т на́ши о́чи грехо́вными воззре́ниями, боля́т на́ши у́ши слу́шанием пустосло́вия, злоре́чия, наве́тов — исце­ли́ ны. Боля́т ру́ки нерасположе́нием к моли́твенному воздея́нию и к подая́нию ми́лостыни — исце­ли́ ны. Боля́т на́ши но́ги нежела́нием поспе́шно идти́ в храм Госпо́день и стремле́нием к хожде́ниям по сто́гнам и к посеще́ниям домо́в мирски́х — исце­ли́ ны. Боли́т, зело́ боли́т язы́к наш, уста́ на́ши: пустосло́вием, праздносло́вием, злоре́чием, отвраща́ясь от молитвосло́вий и славосло́вий, или́ про­из­но­ся́ их небре́жно, рассе́янно, без внима́ния, без поня́тия — исце­ли́ ны, о ми́лостиве! От гла­вы́ до ног боли́м мы: боли́т в нас ра́зум непоня́тливостию, неразу́мностию и безу́мием; боли́т в нас во́ля, отвраща́ясь от святы́х заня́тий и стремя́сь к дела́м вре́дным и богопроти́вным; боли́т в нас па́мять, забыва́я на́ши прегреше́ния и содер­жа́ в себе́ неутра́тно согреше́ния и оскорбле́ния бли́жних на́ших; боли́т в нас воображе́ние, не уме́я и не жела́я жи́во предста́вить нам нашу́ смерть, ве́чную му́ку гре́шных, бла­га́ Ца́рствия Небе́сного, Бо́жий гнев, кре́стные страда́ния Христо́вы, Его́ распя́тие — исце­ли́ ны, о святы́й Пантелеи́моне! Все в нас боли́т. Немощству́ет и душа́ на́ша вся со все́ми ее́ си́лами и спосо́бностями. Немощству́ет и те́ло на́ше все со все́ми его́ чле́нами. Исце­ли́ ны, о святы́й Пантелеи́моне, Целе́бниче безме́здный и любвеоби́льный Врачева́тель, слу­га́ Пресвяты́я Богоро́дицы, и не оста́вь на́ше окая́нство в толи́цех неду́гах и в толи́цей не́мощи: да исцеля́сь твое́ю благода́тию, просла́влю Пресвяту́ю Тро́ицу, Отца́ и Сы́на и Свята́го Ду́ха и Пресвяту́ю Богоро́дицу, тебе́ на служе́ние боля́щим посыла́ющую, и воз­бла­го­да­рю́ твою́, о святы́й Пантелеи́моне, цельбоно́сную святы́ню во ве́ки. Ами́нь.

Молитва ко святым бессребреникам и чудотворцам Косме и Дамиану

К вам, святи́и безсре́бреницы и чудотво́рцы Кос­мо́ и Дамиа́не, я́ко к ско́рым помо́щником и те́плым моли́твенником о спасе́нии на́шем, мы, недосто́йнии, прекло́ньше коле́на, прибега́ем и, припа́дающе, усе́рдно вопие́м: не пре́зрите моле́ния нас, гре́шных, немощны́х, во мно́гия беззако́ния впа́дших и по вся дни и часы́ согреша́ющих. Умоли́те Го́спода, да проба́вит нам, недосто́йным рабо́м Свои́м, вели́кия и бога́тыя Своя́ ми́лости; изба́вите нас от вся́кия ско́рби и боле́зни, вы бо прия́ли есте́ от Го́спода и Спа́са на́шего Иису́са Хри­ста́ неоску́дную благода́ть исцеле́ний, ра́ди тве́рдыя ве́ры, безме́зднаго врачева́ния и му́ченическия кончи́ны ва́шея. Услы́шите нас, моля́щихся, и благоприя́тным хода́тайством ва́шим испроси́те у Хри­ста́ Бо́га правосла́вным лю́дем на вра­ги́ побе́ду и одоле́ние. Па́ки, припа́дающе, приле́жно мо́лим: испроси́те нам от Го́спода вся благополе́зная, я́же в живо­те́ на́шем вре́меннем, наипа́че же ко спасе́нию ве́чному служа́щая, да сподо́бимся моли́твами ва́шими улучи́ти кончи́ну христиа́нскую, безболе́зненну, непосты́дну, ми́рну, и да изба́вимся от ко́зней диа́вольских и ве́чныя му́ки, безконе́чнаго же и блаже́ннаго Ца́рствия Небе́снаго насле́дницы бу́дем. Ей, уго́дницы Бо́жии, не преста́йте моля́щеся за ны, с ве́рою к вам притека́ющия. А́ще бо по мно́жеству грехо́в на́ших и не́смы досто́йни милосе́рдия ва́шего, оба́че вы, ве́рнии подража́телие человеколю́бия Бо́жия су́ще, сотвори́те, да принесе́м пло­ды́ досто́йны покая́ния и в ве́чный поко́й дости́гнем, хва́ляще и благословя́ще ди́внаго во святы́х Свои́х Го́спода и Бо́га и Спа́са на́шего Иису́са Хри­ста́, и Пречи́стую Ма́терь Его́, и ва́ше те́плое заступле́ние, все­гда́, ны́не, и при́сно, и во ве́ки веко́в. Ами́нь.

Молитва перед иконой Пресвятой Богородицы «Боголюбская» («Боголюбивая»)

О, Пречи́стая Госпоже́ Богоро́дице, Ма́ти Боголюби́вая, наде́ждо на́шего спасе́ния! Воззри́ ми́лостивно на предстоя́щия с ве́рою и любо́вию и покланя́ющияся пречи́стому о́бразу Твоему́, приими́ на́ше хвале́бное пе́ние сие́ и проле́й те́плую Твою́ моли́тву о нас, гре́шных, ко Го́споду, да, презре́в вся на́ша согреше́ния, спасе́т и поми́лует нас. О Преди́вная Влады́чице! покажи́ на нас чу́дныя ми́лости Твоя́: изба́ви нас от вся́кия ско́рби, наста́ви на пу́ть вся́кия доброде́тели и благосты́ни, спаси́ от искуше́ний, бед и боле́зней, изми́ от нас оклевета́ния и ссо́ры, сохрани́ от молниено́снаго гро́ма, от запале́ния о́гненнаго, от гла́да, тру́са, пото́па и смертоно́сныя я́звы, пода́й нам Свою́ ми́лостивую по́мощь на пути́, в мо́ри и на су́ше, да не поги́бнем лю́те. О Всеми́лостивая Боголюби́вая Ма́ти, с тве́рдым упова́нием возсыла́ем к Тебе́ на́шу убо́гую моли́тву! Не отри́ни на́ших слез и воздыха́ний, не забу́ди нас во вся дни живота́ на́шего, но всегда́ пребыва́й с на́ми и Твои́м заступле́нием и хода́тайством у Го́спода пода́ждь нам отра́ду, утеше́ние, защи́ту и по́мощь, да вы́ну сла́вим и велича́ем преблагослове́нное и всепе́тое и́мя Твое́. Ами́нь.

Молитва перед иконой Пресвятой Богородицы «Казанская»

О, Пресвята́я Госпоже́ Влады́чице Богоро́дице! Со стра́хом, ве́рою и любо́вию пред честно́ю ико́ною Твое́ю припа́дающе, мо́лим Тя: не отврати́ лица́ Твоего́ от прибега́ющих к Тебе́, умоли́, Милосе́рдая Ма́ти, Сы́на Твоего́ и Бо́га на́шего, Го́спода Иису́са Христа́, да сохрани́т ми́рну страну́ на́шу, Це́рковь же Свою́ святу́ю непоколеби́му да соблюде́т и от неве́рия, ересе́й и раско́ла да изба́вит. Не и́мамы бо ины́я по́мощи, не и́мамы ины́я наде́жды, ра́зве Тебе́, Пречи́стая Де́во: Ты еси́ всеси́льная христиа́н Помо́щница и Засту́пница. Изба́ви же и всех с ве́рою Тебе́ моля́щихся от паде́ний грехо́вных, от наве́та злых челове́к, от вся́ких искуше́ний, скорбе́й, боле́зней, бед и от внеза́пныя сме́рти; да́руй нам дух сокруше́ния, смире́ния се́рдца, чистоту́ помышле́ний, исправле́ния грехо́вныя жи́зни и оставле́ние прегреше́ний, да вси, благода́рне воспева́юще вели́чия и ми́лости Твоя́, явля́емыя над на́ми зде на земли́, сподо́бимся и Небе́снаго Ца́рствия и та́мо со все́ми святы́ми просла́вим пречестно́е и великоле́пое и́мя Отца́ и Сы́на и Свята́го Ду́ха во ве́ки веко́в. Ами́нь.

Молитва Богородице перед Её образом «Седмиезерная»

Пресвята́я Влады́чице на́ша Богоро́дице, Небе́сная Цари́це, на́ша преблага́я Наде́ждо, преизя́щная Отрокови́це, ненаде́ющымся наде́яние, гре́шным спасе́ние, си́рым прибе́жище, стра́нным предста́тельнице, наги́м одея́ние, скорбя́щым утеше́ние и ра́досте, оби́димым покрови́тельнице и всем су́щым в беда́х и напа́стех вспоможе́ние и заступле́ние! О Всеми́лостивая Госпоже́ Де́во Богоро́дице! Зри́ши на́ша бе́ды, ско́рби и напа́сти: помози́ нам не́мощным, печа́льным и уны́лым, ско́рбным же и отча́янным, и вся́ку печа́ль отыми́ от нас. Оби́ду на́шу Ты ве́си: разреши́ ту, Всенепоро́чная, я́коже во́лиши и мо́жеши: не даждь нам во отча́яние вла́сти. Не и́мамы бо ины́я по́мощи, ра́зве Сы́на Твоего́, Христа́ Бо́га на́шего, и Тебе́, о Ма́ти Бо́жия, о Влады́чице на́ша! Те́мже на Твой пречи́стый о́браз со воздыха́нием и с сокруше́нием се́рдца взира́ем, и коле́на до земли́ преклоня́ем, взыва́юще: При́зри благосе́рдым о́ком, Всепе́тая Богоро́дице, и услы́ши нас, Преблага́я: не отри́ни, но благоволи́ поми́ловати: не омерзи́ на́шего воздыха́ния. Никто́же бо притека́яй к Тебе́ посра́млен от Тебе́ исхо́дит, но про́сит благода́ти и прие́млет дар на по́льзу проше́ния во ве́ки веко́в. Ами́нь.

Молитва перед иконой Пресвятой Богородицы «Взыскание погибших»

Засту́пнице усе́рдная, Благоутро́бная Го́спода Ма́ти, к Тебе́ прибега́ю аз, окая́нный и па́че всех челове́к гре́шнейший, вонми́ гла́су моле́ния моего́, вопль мой и стена́ния услы́ши, я́ко беззако́ния моя́ превзыдо́ша главу́ мою́, и аз, я́коже кора́бль в пучи́не, погружа́юся в мо́ре грехо́в мои́х. Но Ты, всеблага́я и Милосе́рдая Влады́чице, не пре́зри мене́, отча́яннаго и во гресе́х погиба́ющаго; поми́луй мя, ка́ющагося в злых де́лех мои́х, и обрати́ на путь пра́вый заблу́ждшую окая́нную ду́шу мою́. На Тебе́, Влады́чице моя́ Богоро́дице, возлага́ю все упова́ние мое́. Ты, Ма́ти Бо́жия, сохрани́ и соблюди́ мя под кро́вом Твои́м, ны́не, и при́сно, и во ве́ки веко́в. Ами́нь.

Молитвы перед иконой Пресвятой Богородицы «Всецарица»

О, Всебла́гая досточу́дная Богоро́дице Панта́насса, Всецари́це! Несмь досто́ин, да вни́деши под кров мой! Но я́ко милостиваго Бо́га любоблагоутро́бная Ма́ти, рцы сло́во, да исцели́тся душа́ моя́ и укрепи́тся немощству́ющее те́ло мое́. И́маши бо держа́ву непобеди́мую и не изнемо́жет у Тебе́ всяк глаго́л, о, Всецари́це! Ты за мя упроси́, Ты за мя умоли́, да прославля́ю пресла́вное и́мя Твое́ всегда́, ны́не и в безконе́чныя ве́ки. Ами́нь.

О, Пречи́стая Богома́ти, Всецари́це! Услы́ши многоболе́зненное воздыха́ние на́ше пред чудотво́рною ико́ною Твое́ю, из уде́ла Афо́нскаго в Росси́ю пренесе́нною, при́зри на чад Твои́х, неисце́льными неду́ги стра́ждущих и ко свято́му о́бразу Твоему́ с ве́рою припа́дающих! Я́коже пти́ца крило́ма покрыва́ет птенцы́ своя́, та́ко и Ты ны́не, при́сно жи́ва су́щи, покры́й нас многоцеле́бным Твои́м омофо́ром. Та́мо, иде́же наде́жда исчеза́ет, несумне́нною наде́ждою бу́ди. Та́мо, иде́же лю́тыя ско́рби превозмога́ют, терпе́нием и осла́бою яви́ся. Та́мо, иде́же мрак отча́яния в ду́ши всели́ся, да возсия́ет неизрече́нный свет Божества́! Малоду́шныя уте́ши, немощны́я укрепи́, ожесточе́нным сердца́м умягче́ние и просвеще́ние да́руй. Исцели́ боля́щия лю́ди Твоя́, о, всеми́лостивая Цари́це! Ум и ру́ки врачу́ющих нас благослови́, да послу́жат ору́дием всемо́щнаго Врача́ Христа́ Спа́са на́шего. Я́ко живе́й Ти су́щей с на́ми, мо́лимся пред ико́ною Твое́ю, о, Влады́чице! Простри́ ру́це Твои́, испо́лненныя исцеле́ния и врачбы́, Ра́досте скорбя́щих, в печа́лех Утеше́ние, да чудотво́рную по́мощь ско́ро получи́в, прославляем Живонача́льную и Неразде́льную Тро́ицу, Отца́, и Сы́на, и Свята́го Ду́ха во ве́ки веко́в. Ами́нь.

Молитвы перед иконой Пресвятой Богородицы «Целительница»

Приими́, о, Всеблагослове́нная и Всемо́щная Госпоже́ Влады́чице Богоро́дице Де́во, сия́ моли́твы, со слеза́ми Тебе́ ны́не приноси́мыя от на́с, недосто́йных ра́б Твои́х, ко Твоему́ цельбоно́сному о́бразу пе́ние возсыла́ющих со умиле́нием, я́ко Тебе́ Само́й зде́ су́щей и вне́млющей моле́нию на́шему. По коему́ждо бо проше́нию исполне́ние твори́ши, ско́рби облегча́еши, немощны́м здра́вие да́руеши, разсла́бленныя и неду́жныя исцеля́еши, от бе́сных бе́сы прогоня́еши, оби́димыя от оби́д избавля́еши, прокаже́нныя очища́еши и ма́лыя де́ти ми́луеши; еще́ же, Госпоже́ Влады́чице Богоро́дице, и от у́з и темни́ц свобожда́еши и вся́кия многоразли́чныя стра́сти врачу́еши: вся́ бо су́ть возмо́жна хода́тайством Твои́м к Сы́ну Твоему́, Христу́ Бо́гу на́шему. О, Всепе́тая Ма́ти, Пресвята́я Богоро́дице! Не преста́й моли́тися о на́с недосто́йных раба́х Твои́х, сла́вящих Тя́ и почита́ющих Тя́, и поклоня́ющихся со умиле́нием Пречи́стому о́бразу Твоему́, и наде́жду иму́щих невозвра́тну и ве́ру несумне́нну к Тебе́, Присноде́ве Пресла́вней и Непоро́чней, ны́не и при́сно и во ве́ки веко́в. Ами́нь.

Молитвы перед иконой Божией Матери «Покров Пресвятой Богородицы»

О, Пресвята́я Де́во, Ма́ти Го́спода вы́шних сил, Небесе́ и земли́ Цари́це, гра́да и страны́ на́шея Всемо́щная Засту́пнице! Приими́ хвале́бно благода́рственное пе́ние сие́ от нас, недосто́йных раб Твои́х, и вознеси́ моли́твы на́ша ко Престо́лу Бо́га Сы́на Твоего́, да ми́лостив бу́дет непра́вдам на́шим, и проба́вит благода́ть Свою́ чту́щим всечестно́е и́мя Твое́ и с ве́рою и любо́вию покланя́ющимся чудотво́рному о́бразу Твоему́. Не́смы бо досто́йни от Него́ поми́ловани бы́ти, а́ще не Ты уми́лостивиши Его́ о нас, Влады́чице, я́ко вся Тебе́ от Него́ возмо́жна суть. Сего́ ра́ди к Тебе́ прибега́ем, я́ко к несомне́нней и ско́рой Засту́пнице на́шей: услы́ши нас, моля́щихся Тебе́, осени́ нас вседержа́вным покро́вом Твои́м, и испроси́ у Бо́га Сы́на Твоего́: па́стырем на́шим ре́вность и бде́ние о душа́х, градоправи́телем му́дрость и си́лу, судия́м пра́вду и нелицеприя́тие, наста́вником ра́зум и смиренному́дрие, супру́гом любо́вь и согла́сие, ча́дом послуша́ние, оби́димым терпе́ние, оби́дящим страх Бо́жий, скорбя́щим благоду́шие, ра́дующимся воздержа́ние, всем же нам дух ра́зума и благоче́стия, дух милосе́рдия и кро́тости, дух чистоты́ и пра́вды. Ей, Госпоже́ Пресвята́я, умилосе́рдися на немощны́я лю́ди Твоя́; разсе́янныя собери́, заблу́ждшия на путь пра́вый наста́ви, ста́рость поддержи́, ю́ныя уцелому́дри, младе́нцы воспита́й, и при́зри на всех нас призре́нием ми́лостиваго Твоего́ заступле́ния, воздви́гни нас из глубины́ грехо́вныя и просвети́ серде́чныя о́чи на́ша ко зре́нию спасе́ния, ми́лостива нам бу́ди зде и та́мо, в стране́ земна́го прише́льствия и на стра́шнем суде́ Сы́на Твоего́; преста́вльшияся же в ве́ре и покая́нии от жития́ сего́ отцы́ и бра́тию на́шу в ве́чней жи́зни со А́нгелы и со все́ми святы́ми жи́ти сотвори́. Ты бо еси́, Госпоже́, Сла́ва Небе́сных и Упова́ние земны́х, Ты по Бо́зе на́ша Наде́жда и Засту́пница всех, притека́ющих к Тебе́ с ве́рою. К Тебе́ у́бо мо́лимся, и Тебе́, я́ко Всемогу́щей Помо́щнице, са́ми себе́ и друг дру́га и весь живо́т наш предае́м, ны́не и при́сно и во ве́ки веко́в. Ами́нь.

Каждый день по окончании Божественной Литургии в нашем храме совершаются молебны: в понедельник – Архистратигу Михаилу и всем Небесным Силам, во вторник – святому пророку Иоанну Предтече, в среду – о болящих, в четверг – святителю Николаю Чудотворцу, в пятницу – Пресвятой Богородице, в субботу – всем святым. В связи с ростом заболевших коронавирусной инфекцией, каждую среду приблизительно в 9:15 совершается молебен о болящих, на котором возглашаются особые прошения и молитва об избавлении от губительного поветрия (эпидемии). Если у Вас нет возможности прийти в этот день в храм, Вы можете заказать поминовение онлайн: на сайте нашего храма есть раздел «Требы онлайн», в нём выбираем «Заказать требы» -> «О здравии» -> «Молебен о здравии».